النائبة يوستينا رامي لـ "طلاب الثانوية": المجموع مش نهاية المطاف وانظروا لتخصصات المستقبل

وجهت النائبة يوستينا رامي، عضو لجنة العلاقات الخارجية بمجلس الشيوخ، رسالة دعم وتقوية قلب لطلاب الثانوية العامة وأولياء أمورهم عقب إعلان النتائج، مؤكدة أن المجموع لم يعد هو الحاكم الوحيد لمستقبل الطالب، وأن مرحلة الثانوية العامة ما هي إلا مجرد بداية لرحلة جديدة كلياً يعتمد فيها النجاح على المهارة والشغف والتطوير الذاتي.

 الفرص غير محصورة

وقالت النائبة يوستينا رامي في رسالتها للطلاب: النتيجة ظهرت، وسواء جبت المجموع اللي بتحلم بيه أو أقل، افتكر دايماً إن المجموع مش هو اللي بيحدد شطارتك ولا قيمتك، والكلية مش هي نهاية المطاف. المهم بجد هو إنت هتعمل إيه في السنين اللي جاية، وإزاي هتطور من نفسك".

وأشارت عضو لجنة العلاقات الخارجية بمجلس الشيوخ إلى أن سوق العمل اليوم تغير تماماً ، وأصبحت الفرص غير محصورة في التنسيق التقليدي أو الوظائف الثابتة؛ موضحة أن التطور الرقمي والشركات العالمية تبحث عن الشاب الذي يمتلك مهارات حقيقية.

 مراعاة الظروف النفسية للأبناء

وأضافت: النهارده الطالب اللي بيركز في سنين دراسته على إتقان لغات أجنبية وبيتعلم مهارات البرمجة أو التكنولوجيا والذكاء الاصطناعي، بيقدر يشتغل مع أكبر شركات في العالم وهو قاعد في بيته وبمرتبات ممتازة، لأن العالم كله بقى مفتوح على بعضه".

وجددت النائبة دعوتها لأولياء الأمور بضرورة مراعاة الظروف النفسية لأبنائهم وعدم ممارسة أي ضغوط عليهم بسبب أرقام التنسيق، بل الوقوف بجانبهم واكتشاف مهاراتهم وتشجيعهم على الاختيار الحر للتخصصات التي يحبونها. 

واختتمت يوستينا رامي تصريحها قائلة: "استغلوا سنين الكلية في التدريب والنزول لسوق العمل والتعلم المستمر.. الدنيا اتفتحت والفرص بقت متوفرة لكل مجتهد سواء جوة مصر أو برة مصر، وأنتم أمل البلد ومستقبلها".